Hatun llaqtapi mana riqsisqa munaykunam suwarqurqa.

Asiriyninmi, asichikuynin waytarichkan.

Lliwpaq mikuna munaynin paqarichkan.

 

Kunan wata sarankunam anchata rururqun.

Papakuna, tukuy niraq ulluku, maswa, uqa sasa huñuna kanqa.

Murun rurukuna huntallaña, pisqukunapas saksasqam kachkanku.

Lliwmi pachapa kawsayninta qatichkan.

 

Tullpanchikpi mikuy huntasqam kanan.

Mikuy munaqman mikuyta maqllakunachu.

Kuyakuyninchik lliwpaqmi kanan.

Hunasqa yachayninmi llanllarichkan.

 

Raymiwanmi ayllupa kallpan llanllarin.

Waqrapukupas ancha miskitam waqaykun.

Aqapas hampiq qayllikunatam takichin.

Quyllurkunapas kusisqam kachkanku.

 

Mamaypa wiñay watankuna asikun, tusukunku,

waytariq chunka pusaqniyuq watanhinaraq.

Kukanmi aswan miski atiysapa kachkan.

Tiqsimuyu musyaq cigarrontam pitarqun, kawsaypa miskintam hayparqun.