Ca yaga nagá' caguíteca' tu jmá naguudxi deche.

Ladxiduá' nexhegaa lu luuna' cabeza lii. Bezaluá' zuba,

rinaaze' bi guichaíque, zuba, cugaba' panda bihui

culaa xii ti xcuidi zubaxuuna'.

 

Laga lii ya', xi cayuni ndou' nagasi.

Nannu' xiinga guendaribeza ti gunaa

gueeda guxhídxiná'

lu gande iza xtí' ti badunguiiu la?

 

Yudé cuyaa galaabato' bizaluá'.

Ti mani' canareeguite ndaani' ca nezarini xtinne'.

Gunaa bazeendu', xi binidxaba' cayu'nu' qui gueedu'.

Ma' bigaba' birá bicuininá' gubidxa,

bi yooxho' ma' bigani lu neza, bidxaga ruaa,

cachuundu', ma' nacahui guibá',

ndaani' naya' nexheguundu' guguhuiini'

guleza lii.